KkayNet-事業線--獨家千里追蹤 潑婦栢芝大鬧瑞士-第1张图- - Powered by MyPic
设置首页
加入收藏
當前位置: 主頁 >> 明星新聞 >> 獨家千里追蹤 潑婦栢芝大鬧瑞士

獨家千里追蹤 潑婦栢芝大鬧瑞士

鋒芝婚變新聞持續個多月,上週有突破性發展。自婚變以來,芝被揭不斷蠶食霆鋒家產,受千夫所指,芝終按捺不住,透過好友Yuki Lee微博,數臭老公謝霆鋒,話佢冇盡老公同爸爸責任。
有口話人冇口話自己,芝上週三晚卻揼低兩個仔在港,只交帶化妝師好友Rick Chin「每日探一探」,自己則拉隊由香港直飛德國再轉機到瑞士為now拍特輯。
本刊獨家千里追蹤芝,其間除被芝細佬張豪龍用粗口辱駡外、栢芝更失控大吵大鬧,令本刊記者被瑞士警方當街鎖上手銬 ,更被槍指嚇,但芝竟然仲攞出iPhone拍低記者慘況,行為有如潑婦。

20/6香港→米蘭
航班編號CX233
(check咗in都唔上飛機)
芝見警察阻記者拍攝,加上冇DV影住,即時從的士走出,用iPhone影本刊記者,仲話:「你哋好肉酸囉!我實擺喺微博o架!」其後被警方出手阻止;而豪龍見狀即攔住失控栢芝條腰說:「二家姐!唔好玩喇!上番車先啦!」

22/6香港→德國→瑞士
航班編號CX289 航班編號LH1186


芝和霆鋒婚變個多月,芝惡行亦愈揭愈多,除拉姑好友查小欣在電台爆芝謀住霆鋒身家外,更在婚變期間唔畀霆鋒 一家見兩個仔Lucas同Quintus,形象直插谷底。上週三(22日)芝終於反擊,先被友好傳媒拍下與兩個仔在公園玩樂的相片,試圖營造慈母形象, 翌日(23日)又在好友Yuki Lee微博發功,內容力數老公謝霆鋒不是,話佢成日打機唔理兩個仔,話佢戴黑超扮型講大話等。芝借人把口數臭老公,踩低人抬高自己。

芝瑞士搵銀
栢芝去向一直成謎,上週本刊踢爆佢密謀到米蘭,但臨上機前才與豪龍等人撤退,之後傳媒再得悉栢芝會改期起飛到德國,但本刊早知她一行人是乘週三晚CX289到德國,再轉機到瑞士,原來是為now拍特輯。

追訪真相
本 刊記者到瑞士追訪芝,但車速一直保持70公里,並全程遵守當地交通規則,之後芝等人到火車站警署報案,由於當地警方以為事態嚴重,即派出兩名便衣警察 扣查本刊記者(右圖),但當到達警署後,當地警方了解事件,及知道記者身份,只屬正常採訪,半小時後即釋放記者亦無落案指控。

相識13載 5年夫妻 終搞離婚
本 刊千里追蹤芝,由香港追到端士,上週四(23日)芝一干人等朝早10點(瑞士時間)抵達蘇黎世機場,會合當地一早到埗嘅工作人員,之後同豪龍、經理人 Emily,及一名女性工作人員上的士。當時芝等人已發現記者採訪,於是叫的士司機於市內不斷兜圈,擾讓半小時後,只見她們在當地一個火車站停車,之後 該位女工作人員到站內的警局報案。

26/6講宣言霆鋒回應離婚
聽到很多批評也好,意見也好,一定會不開心。說我太太不好,我也會不開心。說我太太不好,等於說我一對孩子不好。 沒錯,我的婚姻確實有一點問題,我太太和我也是單親家庭長大,我們從來沒恨父母,反而在我們生第一個小孩時,我們希望可以打破命運,不讓他在一個所謂破碎家庭長大。無奈到了今天,我不知如何繼續走下去。 如果你現在問我謝霆鋒,愛不愛那個人?想不想那個人?我跟你說我愛、我想!但我不知道怎麼繼續走下去。前幾天她稍微罵我,我們昨天通過電話短訊問題,她還是跟我說我很愛你我很想你! 我相信!讓我更有信心去相信,我們未來就算是怎麼樣一個身份、關係,我們還是會很努力去找一個健康安穩的空間,讓我們這對小孩長大。 以後是愛是恨是打是殺,我們自己會分配,不用大家操心。

霆鋒黨
霆鋒除咗上週日(26日)開腔回應婚變之外,之前都冇開聲表態,反而身邊人就代言,而當日讚芝係謝家光榮嘅四哥,最近亦冇再讚芝,只表示:「家事幫唔到o架」拉姑好友查小欣自從喺5月30日電台爆料後,之後再冇料爆。

豪龍爆粗發火
其間豪龍攞出iphone反拍記者,雖然記者一早禮貌表明只想與芝做簡單訪問,但豪龍一於少理仲強行開記者車門,狂影記者。 之後記者走到芝乘坐嘅的士拍照,豪龍及經理人即衝前阻止,更大力推撞本刊記者,豪龍仲爆粗:「總之你衝埋去,就唔×得!」其實記者只是慢慢行去芝的士幾尺外影相,絕冇衝埋去令芝受驚。豪龍情緒激動,不斷重複大叫:「你熄咗部DV先!」

芝真面目
豪龍緊張部DV怕家姐被拍下,而當時記者不斷表示想同芝傾偈,經理人Emily即話:「哦,你想傾偈 呀?放低DV先啦!」記者為表示誠意即關下DV,之後即有兩名洋人便衣警察撲出按住記者,混亂中記者被撞心口兩下。 芝見記者情況相當危險,亦冇用DV錄影,不但冇向兩名警察解釋,更由車廂走出攞iPhone拍低記者慘況,警察見到芝影相,即轉身搶芝電話,豪龍即 時護駕:「二家姐!唔好玩喇!上番車啦!」 (記:我哋想傾幾句啫!)有咩好傾呀……問問問,答你新年快樂囉咩呀!」此時警察用手銬鎖住記者雙手,之後更攞出手槍指嚇記者。栢芝即惡形惡相地話:「你 哋好肉酸囉!我實擺喺微博o架!(記:我哋都係做嘢啫!)我夠係咯!唔使做呀家我!」及後記者被帶返警署問話,半小時後釋放冇被指控。

23/6微博戰

栢芝黨
芝黨自傳出婚變後,各人都在微博發功,經理人Emily及與芝相識17年嘅Andygaga不斷喺微博聲援芝。當有報導指芝恨錢,二人即上傳芝當年做慈善活動嘅相,幫芝洗底。

霆鋒愛妻贏晒
 芝瑞士發難,反而老公謝霆鋒在週日(26日)到北京宣傳《財神客棧》,更在記者會上首度開腔回應事件。雖然被芝喺微博數臭,不過喺北京機場一早有近百位 粉絲接機,粉絲更充當保安,為霆鋒開路。「霆鋒睇完栢芝接受友好傳媒訪問後,都冇諗過要回應,聲明都話唔會講,係星期五晚同公司開咗個隔空會議傾咗好耐, 覺得要終極回應一次,然後着手搞離婚!佢自己用英文寫咗啲重點內容,好快搞掂!」霆鋒身邊人透露。 在記者會上霆鋒冇反擊過芝,更表示仍然愛她、想她,之後更向傳媒作90度鞠躬。一個失控一個冷靜,贏輸有眼睇。


22/6 芝知道有傳媒喺機場守候,於是透過now聯絡機場,安排12位保安護駕上機。其間芝戴住耳筒,對記者提問全冇反應。


撇低兩子 栢芝去瑞士為now拍特輯,兩個仔Lucas和Quintus就俾化妝師Rick Chin照顧,上週Rick Chin更喺微博發相,仲話栢芝每個鐘都打嚟問。


23/6 芝上週四早上10時(瑞士時間)到達蘇黎世機場,知道有記者在場,即在機場留咗一個鐘先步出機場。


張豪龍 細佬護駕爆粗:衝埋嚟就唔X得! 豪龍對於記者用DV採訪相當不滿,不斷手指指鬧記者,之後仲爆粗大罵。 右:經理人Emily


硬拉車門


記者上前表明身份,禮貌表示想同芝做訪問,但豪龍未有理會,不斷用iPhone反拍記者,就連坐喺後座嘅記者都唔放過,奪門影相!相當躁底。


芝一直留喺的士,本刊記者走到芝位置離幾呎下影相,經理人Emily同豪龍見狀,即時如臨大敵,Emily更飛奔用手㩒記者相機。


之後豪龍同Emily更用力推撞記者,豪龍更不斷話:「影咩呀!唔准影!」記者一放下DV,警察即撲出按實記者,混亂中記者被撞心口兩下。


當的士駛到蘇黎世火車站,女性工作人員及經理人Emily即時到火車站警署報案,警署即派出職員了解。


出動手銬 及後兩名便衣警員對本刊記者相當粗暴,更用索帶、手銬鎖起記者,更一度用手槍指嚇。


霆鋒喺北京《財神客棧》記者會上回應婚變傳聞,說畢即喺台上作90度鞠躬。


週日(26日)霆鋒出席《財神客棧》記者會,由於要交待婚變傳聞,所以喺台上笑容欠奉,就連大合照,都只能勉強一笑。


霆鋒由吉隆坡飛到北京,離開機場即坐上哥爾夫球車,其間被記者、保安和粉絲包圍,霆鋒未有理會,戴住耳筒,專心望住手中貓紙。


上週四(23日)報章刊登芝好友Yuki Lee喺微博嘅言論,內容全部數臭謝霆鋒,霆鋒即在翌日透過經理人發出聲明,不但冇鬧過芝,仲感謝芝五年內嘅付出。


芝放低兩個仔到瑞士為now拍特輯,更在當地用到遊艇拍攝。相當揼本。不過芝嗰妝就似乎厚咗少少喎!


據知栢芝今次為now 101拍一個關於夢想嘅特輯,特輯中栢芝得到品牌贊助,可以實現夢想做model,着靚衫兼行天橋。


芝好友Yuki Lee(右)微博鬧霆鋒;而其多年好友兼助手Andygaga(下)亦喺自己微博聲援「這是事實!」


上週四(23日)芝借好友Yuki Lee微博鬧霆鋒,話佢唔係好爸爸及一直做假人。


09手2月芝上有線接受區永權訪問,其間鬧陳冠希「貓哭老鼠假慈悲!」,當日同有線咁Friend,但今日因為同now拍節目反而有線都冇搵芝做專訪。

0
0
上一篇:AKB人氣女乜都假  ||   下一篇:穿小可愛的楊慧媚
asd

| KkayNet-版權所有 刊登廣告
Copyright © 2011-2012 kkay.net Inc All rights reserved.
Powered by MyPic美女,美女图片,美女写真,明星图片,非主流图片,非主流美女

 

站長電郵:[email protected]