KkayNet-事業線--直擊街頭收o靚 16歲學生妹發夢做Baby-第1张图- - Powered by MyPic
设置首页
加入收藏
當前位置: 主頁 >> 明星新聞 >> 直擊街頭收o靚 16歲學生妹發夢做Baby

直擊街頭收o靚 16歲學生妹發夢做Baby

周街搵女

 

少女想做o靚模入行,聽得最多係街頭俾星探發掘,好似一手捧紅邦民女Anjaylia及「清純版栢芝」Evelyn,同樣行行吓街就做咗o靚模,普通學生妹都可變宅男女神。
早前Anjaylia與其公司Jam Cast就踩落銅鑼灣街頭收o靚,本刊全程直擊,眼見有Anjay師姐出馬,即場揀中一位同佢一樣齊蔭清純嘅16歲名校學生妹欒穎欣(Renata)。有得做o靚模,學生妹話:「我想好似Angelababy咁紅咁靚!」


街 頭收o靚模後,Jam Cast星探Rachel和Anjay就即刻帶16歲學生妹上公司填表兼casting。零化妝學生妹look嘅欒穎欣(Renata)就讀名校庇利羅士 女子中學F.5,係潮流達人徐濠縈師妹,身高160cm嘅Renata更係8級鋼琴高手,仲識吹單簧管,又喜歡唱歌。

即場中
全 無model經驗嘅佢,今次被星探睇中,受寵若驚咁話:「我真係好驚訝又好開心,尤其係俾偶像Anjay頭先截停嗰陣,真係好surprise!(有冇被 星探發掘過?)有呀,一年幾前試過有其他model星探喺街叫我試鏡,攞咗我電話,之後隔咗一段時間先叫我上去佢公司,不過間公司名我未聽過,所以唔敢上 去,驚係啲呃人公司。今次有Anjay喺度,加上Jam Cast咁出名,我當然放心。」

街頭出天后
好多紅星出道前都係由model做起,就好似阿Sa、阿嬌與及天后級嘅Kelly,做歌星前都係做雜誌及廣告model,之後先被睇中簽為歌手或藝人。

想出寫真
喜歡清純Anjay,Renata仲視o靚模鼻祖Baby係女神,「Baby好靚,隻眼仲識講嘢,我都想好似Angelababy咁紅咁靚,好似佢拍咁多廣告,做model又做明星,仲想出本寫真集添!」
隔咗幾日,成功做咗Anjay師妹嘅Renata,有機會casting一個手機廣告,當日佢以背心牛仔褲加高踭涼鞋示人,Jam Cast就搵人幫佢化妝,化上淡妝嘅佢零舍醒神,連Jam Cast負責人Miranda都話:「佢真係好pure,我鍾意佢笑起嚟有兩個酒凹,佢似初出道嘅李麗珍,經琢磨後可以有一番作為喎!」

自資做model
其實成立咗14年嘅Jam Cast,專發掘清新有氣質嘅青春純女,如陽光妹Leanne(何思諺)、翻版陳法拉Afa(李思汝)、新舊8模等都由Jam Cast有份發掘出嚟。
眾o靚模「阿媽」,Miranda話:「平時叫人casting,model係唔使畀錢,會叫佢自備相,唔ok嘅先喺度再影,公司都會建議啲新人 自願性質去報course,如學catwalk、化妝、儀態或跳舞等,隨個人興趣去揀及自費參加!好似Anjay剛入行時都有畀錢學化妝,家出show 前,佢都識自己化定個底妝出去!」雖然手機廣告人選未定,但第一次有得casting嘅Renata都話會繼續model夢,一於做Baby第二!

星探搵model
行 內搵model嘅方法除咗喺街搵、朋友介紹及上門自薦外,因資訊發達咗,model公司都會喺微博、facebook同blog搵新血。街頭獵 model,大多選擇一些多型人出沒的地方如銅鑼灣街頭等;如果要找OL類型model,則會喺中環搵,小朋友及BB會去太古城搵,而青少年及學生就主打 喺銅鑼灣及尖沙咀,一於布下天羅地網。

朋友介紹20%
自薦20%
街頭發掘30%
網上搜刮30%

Dada Lo
一年中有不少自薦做model嘅男女send相去公司應徵做model,近年自薦成功嘅例子有盧頌之DaDa,除咗推出8模寫真外,更努力進軍影壇。

Evelyn
初出道有「翻版張栢芝」之稱嘅21歲Evelyn(蔡穎恩)憑其氣質,被星探喺銅鑼灣發掘,出道後廣告不斷,仲拍埋電影。

Anjaylia
就讀樹仁大學傳理系嘅21歲陳嘉寶(Anjaylia),經朋友介紹下成為model,因拍攝邦民財務廣告而有「邦民女」嘅稱號。

Leanne
被Jam Cast喺網上見到佢嘅facebook後send email邀佢做model而入行,令人深刻嘅廣告有「陽光檸檬茶」及「中旅社廣告」,早前更孖住同公司嘅model一齊做舞台劇。


7:15pm 銅鑼灣地帶門口
本刊與Anjaylia喺銅鑼灣街度等咗一陣,就發現清純學生妹Renata,即刻捉實佢表明來意搵佢試鏡做model。


7:35pm 
喺Anjaylia嘅陪同下,Renata先填寫個人資料、身高、學歷等,畀model公司做紀錄。


7:45pm 
填完問卷後,model公司為Renata影咗幾張相及拍一段片存檔,留待客戶挑選時用。


變身cast廣告
過咗一星期後,model公司有個手機廣告需要幾位年輕男女,當日cast咗百幾位model,其中亦搵埋Renata嚟試鏡。


Casting前,model公司為Renata化咗個淡妝,令佢即時sharp咗去試鏡。


30歲嘅阿嬌及29歲阿Sa喺01年組成Twins前,都係model出身,阿嬌就經朋友介紹入行,而阿Sa則喺銅鑼灣行街時被星探發掘,Miranda仲話嗰陣阿Sa勁清純及可愛,之後先得經理人霍汶希睇中簽入英皇做歌手。


學生時代嘅阿Sa,喺玫瑰崗學校讀中三時已為雜誌及廣告做part-time model,仲喺嗰陣寄相去《YES!》參加「城市驚喜」,之後喺00年做電影特約演員及拍港台青春劇《青春@Y2K》開始被人認識。


已成為天后級嘅38歲陳慧琳,未做歌星前,亦為廣告model及拍MV出身,其後被經理人鍾珍賞識簽為歌手,成為天后。


近期較hit嘅麥記脆辣雞腿包情侶廣告,廣告中嘅男模阿Keff本身係part-time model;而女角Kaka就係喺又一城獵番嚟嘅,一cast即中。


喺94年21歲嘅Kelly憑一口流利英文對白及拎住個大提琴嘅氣質形象拍匯豐銀行廣告後,廣受注目,其後廣告不斷。


Jam Cast通常簽新人時都會先問佢一啲個人專長及技能嘅問題,睇吓佢個人意向,再因應廣告客戶嘅要求先幫佢哋接job。

0
0
上一篇:DaDa師妹賣肉 住2,800萬凱旋門  ||   下一篇:高海寧完勝長腳蟹
asd

| KkayNet-版權所有 刊登廣告
Copyright © 2011-2012 kkay.net Inc All rights reserved.
Powered by MyPic美女,美女图片,美女写真,明星图片,非主流图片,非主流美女

 

站長電郵:[email protected]